龍德樓 (已結業)

踏入11月，天气开始转凉，又系时候食煲仔饭了。龙德楼有即叫即制煲仔饭，款式都几多。例如肉饼类、腊味类、北菇滑鸡等等。腊味鸳鸯肠煲仔饭（$78）好足料，腊味好香，饭粒索晒味，好食。章鱼肉饼饭（$78）肉饼煲仔饭比较清，味道亦唔差，两款煲仔饭，两款口味，各有千秋。金银蛋浸时蔬（$72）小菜份量都好足，大大碟够抵食。蒜蓉粉丝蒸鲜鱿（$98）好香好惹味，捞白饭都好好食。呢度仲有足料炖汤，分别叫左炖螺头及杏汁白肺汤，味道滋润养生，值得一叫！