影片
更多
2020-12-13
2065 浏览
天气开始转冻，系食煲仔饭嘅时候啦！西环坤记煲仔饭远近驰名，晚晚都排晒长龙。今日礼拜日，特相约好友嚟到食个煲仔饭，暖一暖个肚。虽则话夜晚开六点，我同好友未到六点已系坤记附近，便慢慢行过去。去到都未够六点已经见到舖头入边原来已经有两三枱客坐喺度啦，逐唔使排队冇订位已经可以入坐。坐咗唔够十分钟，已经坐满人。所以如果你唔想排队呢，末够六点要嚟到喇！同好友都钟意食白鳝，故净系单独叫咗个白鳝煲仔饭，另加$20润肠，而冇叫双拼白鳝煲，以免白鳝份量减少😅。由于单叫，白鳝份量算多，件件都好肥美好滑，啖啖肉，由于加咗润肠，冇落晒成碗豉油，以免过咸。我哋等到个煲仔上枱先再叫另一个𩠌，荷芹炒腊味。如果两个一齐叫，相信差唔多食完碟小菜个煲仔先至上，好似隔离枱对男女，见佢碟小菜都差唔多食完，追过侍应两三次个煲仔饭都未到。由于实在太好食啦，我同好友好快已经K.O.左个煲仔饭，故再叫多个「靓仔」，再捞埋个豉油，先至够饱 🤣。白鳝、润肠、饭焦、荷芹腊味、加多2枝樽装可乐，呢餐实在太满足啦！
今日礼拜日，特相约好友嚟到食个煲仔饭，暖一暖个肚。
虽则话夜晚开六点，我同好友未到六点已系坤记附近，便慢慢行过去。去到都未够六点已经见到舖头入边原来已经有两三枱客坐喺度啦，逐唔使排队冇订位已经可以入坐。坐咗唔够十分钟，已经坐满人。
所以如果你唔想排队呢，末够六点要嚟到喇！
同好友都钟意食白鳝，故净系单独叫咗个白鳝煲仔饭，另加$20润肠，而冇叫双拼白鳝煲，以免白鳝份量减少😅。
由于单叫，白鳝份量算多，件件都好肥美好滑，啖啖肉，由于加咗润肠，冇落晒成碗豉油，以免过咸。
我哋等到个煲仔上枱先再叫另一个𩠌，荷芹炒腊味。如果两个一齐叫，相信差唔多食完碟小菜个煲仔先至上，好似隔离枱对男女，见佢碟小菜都差唔多食完，追过侍应两三次个煲仔饭都未到。
由于实在太好食啦，我同好友好快已经K.O.左个煲仔饭，故再叫多个「靓仔」，再捞埋个豉油，先至够饱 🤣。
白鳝、润肠、饭焦、荷芹腊味、加多2枝樽装可乐，呢餐实在太满足啦！
张贴
