銓滿記餐廳小廚 (已結業)

寻日煲仔饭瘾发作，四周揾餐厅，及找朋友查询。IG，网上及朋友都得出同一答案，九龙区想坐得好就去「铨满记餐厅小厨」，其实呢间餐厅我经过N咁多次，次次都话下次先，未系时候，点知寻晚就去了。我哋3个人，每人叫了一煲煲仔饭，有人喜欢要加腊肠，因为煲仔饭畀你嘅感觉一定要有腊肠或者腊味先会够香， 仲要有饭焦及秘制豉油。第一煲「 腊肠肉饼煲仔饭」， 腊肠都够味，如果切片会比较容易食，肉饼都ok la。第二煲「 金银蒜粉丝开边虾煲仔饭」，金银蒜即系有生蒜及炸蒜，蒜味够亦香口。粉丝份量好多，不过很湿令饭嘅水份多了，难造成饭焦，开边虾都ok，整体上中规中矩，只是差一点惹味，而且饭超多，我一个人根本食唔晒。第三煲「 陈皮鸳鸯鲍鱼煲仔饭」，呢个煲仔饭比较淡味，朋友加了超多豉油都觉淡，鲍鱼新鲜，味也ok，都一样粉丝多而湿，有轻微饭焦。套餐送靓菜及老火汤，我想讲老火汤真系好好味，好有火喉，没味精及汤好清甜，我比较挂住个老火汤多一点。