嚐喜大不同特式餐廳小廚 (已結業)

之前睇过一个十大煲仔饭既饮食推介，所以黎左试佢地既煲仔饭。我见佢都有人等位，应该都靠得住既。环境方面格局系茶餐厅，坐落都无乜特别，基于我得一条友，俾人调左两次位，感觉就麻麻地。我叫左一个蜡肠滑鸡煲仔饭。食煲仔饭，有几样野要留意。首先系啲饭，中间会唔会未熟或者好湿。第二，食到尾个底会唔会已经痴到㶶左，或都仲系软绵绵。当然，有无饭焦仲有好多因素，例如你落几多豉油、个盖焗几耐、个煲热度岩唔岩等等。我今次都成功有饭焦既，不过只系色水上似，食落就唔够香同硬。