堅料豬手車仔麵店

营业中

休息中

见到咁多好评，决定要试下。一般lunch都吾serve煲仔饭但打黎预订店家话可以提供，于是星期六12点准时到达。除左煲仔饭，只可叫车仔面/配料，于是叫左猪手，柚皮，萝卜，牛肚，牛脷，猪肠，生菜。好快饭已上桌，相信店家按时煮好已预焗。料有腊鸭，双肠及腊味。饭系我喜欢的较挺身，吾烂，鸭无死咸，腊肠有少许甜，润肠少许较咸，而腊味切细粒，林身味适中。跟小婉酱油，我地加好少因料够晒味。4人份用个大瓦煲，爸妈评语系饭吾系好热及无油香。热度问题相信系已预焗（等左少许时间），近中心的饭可能无煲边咁热，不过又真系无乜油香，整体算吾错，够晒饱。而车仔面料，第一次黎，吾知呢道系用碟上及林左好多汁，几咸，否则会叫店家跟汤上或走汁。先讲猪手，的确系一条毛都无，好林够晒味，肚好干净，切小段。柚皮麻麻，有d苦及渣，萝卜非常甜又林，好好食。牛脷一片片但突然有旧脷尖无切几大旧下兼夹见到条脷样，有d杀风景。后来食食下真系太咸再encore2份生菜及萝卜，好彩店员无落汁先可以食埋其他野。最后太饱有得打包饭焦及少许腊味。埋单$404, 无问煲仔饭几钱，或者有机会可以试下晚饭先有的小菜。