豪園餐廳 (已結業)

今晚行到好累好累，只系恨不得揾间野坐低休息下同食个晚饭，就系附近入左呢间豪园茶餐厅啦。入到去一坐低阿姐话煲仔饭快D叫先，跟住谂下都好㖞，因为好耐未食过煲仔饭。所以就叫左个土鱿肉饼煲仔饭，再加一个粟米木瓜肉片生滚汤配米线。最好笑系唔知D阿哥阿姐落单系咪唔写台号，佢地拎住个饭问边个叫左，跟住我举手佢就拎过黎...... 如果有两个人叫左咁点算?煲仔饭一般，唔系咁好食，豉油唔够味，而且个肉饼都系偏淡无咩味。唯一感觉到食紧煲仔饭就系个阵饭焦既味道，其剩同普通食个饭无咩分别。粟米木瓜肉片生滚汤，呢个都几清下，几好! D木瓜好甜又唔会太淋，好好食。不过佢D粟米就好鬼酸.... 汤底都有鱼汤既味道，但唔算浓，都系似味精汤多D，所以都系普通啦。结论就系唔难食唔好食，但一定唔会主动话黎食。