美心香港地 (已結業)

1月19日, 天寒地冻, 想暖身嘅最佳方法莫过于食d香喷喷热辣辣兼有啖啖饭气嘅野落肚! 从前只会想到煲仔饭, 但今时今日原来已经可以进化到系饭煲饭! 是日走到嚟马鞍山, 人生路不熟, 竟然见到平时成日见嘅香港地, 见佢环境装修得几靓, 集新兴复古设计于一身, 门口重推介紧新出嘅饭煲饭系列, 见佢好似几得意所以就走入去试下喇~ 真系估佢唔到, 真系成个饭煲原煲上!::: 腊肠嫩鸡北菇粟米饭 ::: $60因为即叫即煲, 从落单至上菜一般等候时间通常为约15-20分钟. 而当店员将原个饭煲仔摆上台嘅时候确实系有d惊喜! 服务员都有细心讲解, 提议我地打开饭煲倒少少豉油再闩盖焗两分钟, 话d饭会更香软咁话~ 呢个饭卖相唔错, 起码材料腊肠嫩鸡北菇粟米各样落足料! 鸡系用上鸡柳位, 真系几嫩口, 而腊肠更出色, 咬落油香味浓, 送饭一流~ 欣赏整个饭调味清淡健康, 落少少豉油已可吊出食材原味. ::: 甜梅菜五花腩鱼块饭 ::: $60五花腩同鱼块实在是特别的配搭, 亦出乎意料地觉得几合拍, 两者一肥一瘦一浓一淡正可互补不足! 首先鱼块系白雪雪一旧, 只下了点点姜丝辟腥, 味道本应淡茂茂...