百味 (已結業)

喺礼顿中心对面，凤城酒家隔离就系百味。上网见个酸菜鱼好似几好食就去试下。揭揭餐牌见小食有「山楂猪手」，山楂加猪手呢个组合几新鲜，未食过，感觉新奇，就嗌黎试下。猪手有山楂香。个人觉得可以加多d 山楂，令猪手食落再酸啲。 猪手煮得够腍身易咬而且入味。酸酸甜甜嘅山楂令猪手食起黎唔觉腻，重好开胃。跟住就嗌主菜——酸菜鲈鱼锅！有细(1-2位用)同例(2-4位用)。我同朋友两个人就嗌左个细锅。嗌左少辣。食落好麻同酸，成条脷麻晒，口水都流埋🤤。鱼够鲜又滑嫩～😚入面重有薯粉，薯粉烟韧有口感。三杯鸡煲同酸菜鲈鱼锅一样有分细(1-2位用)同例(2-4位用)。我地嗌左细煲。落左好多食材调味，分别有紫苏叶、蒜头、芫荽、葱同姜，令菜式食落更加惹味😋！鸡肉十分嫩滑～食左咁多肉要食番d菜平衡下。嗌左个粉丝什菜煲有不同款式嘅菜：黄芽白、菜心、芥兰、西兰花、冬菇同虾干，当然唔少得粉丝啦。清清地唔错👍🏻。三杯鸡煲同粉丝什菜煲因为用煲装，上枱重滚，够晒热呀，冬天食就最正！