生記茶餐廳 (已結業)

睇过呢到不少前人推介，一于决心来试，点知出事。话说当日八点半左右去到，仲见可以有位，于是想坐低食饭，之后有职员同我哋讲所有蟹卖晒，冇蟹食。冇蟹食？点算？于是决定走过隔离街间大光灯食面。可惜大光灯食唔饱，而心痕痕想食回头草，至少想试其他食物。于是拿拿淋扒完碗面后，再走返转头。好彩仲有位，个职员仍然同我哋讲冇蟹食。OK，冇紧要，可以谂谂其他东东。突然从厨房传来天籁之音：「仲有两只蟹！」当然立即同伙记讲唔该一锅蟹粥，再加八爪鱼丸。八爪鱼丸很快出场，很热！但其实味道冇咩特别，只是即叫即炸，如冻了一点，可能不堪入目。到主角出场，蟹粥是也！但立即传来阵阵㶶味。反一反锅内，锅底更有一层的㶶物。好彩有云吞面顶肚，呢锅嘢都当系测试品，今次唔同你投诉。可惜后天虽㶶，望先天可以有所交代。但先天亦真有缺憾，蟹不鲜，羔亦冇，完完全全系一煲无味的㶶粥。同场另加：话说当晚坐在我们对面的夫妇，叫了八爪鱼丸和清汤蟹乌冬。八爪鱼丸同样好快出到，但乌冬迟迟不来。我看见你催促了三次有多，但坐了不少于45分钟还没有见影𫓽。他们笑说如果知道乌冬要如此时间，就不如转粥。我忍不住口对他们说：「粥是㶶的」他们回应：「我闻到。」来来回回