影片
更多
2010-12-13
65 浏览
估唔到第一次写食评就由一编投诉嘅开始... 上两星期睇完少年食神介绍油麻地呢间鱼粥专门店, 咁琴日下午就专程去试吓, 因为本人都好钟意食鱼嘅!!不过点知未开始食已经一肚气.....点解??? 事源我坐低咗差不多5分钟后先有人帮我落单 (但当时我已递手多次都无人理会), 之后终于叫做有人帮我落单, 咁我就叫咗个鱼云粥, 但佢哋落单唔系真系会写喺张单度, 只系用把口叫出去.大家都估到经媒体介绍后就肯定会有好多人慕名而去, 所以当时铺面大大话话都有30/ 40人, 试问声厨房𠮶个又点可以记得咁多呢??当时已心知不妙, 但系当然又唔会考究佢哋嘅做事手法啦.点知等咗15mins + 催咗两次, 佢哋竟然求其比咗个鱼咀粥我就算. 咁我就紧系唔收货啦, 之后就唔知喺边树攞咗碗鱼云粥嚟喇. 但放低咗喺台之后就开始闻到阵阵嘅㶶味, 点知原来系个鱼头爆㶶咗. 总括味道, 我会觉得附近嘅和味弼会好好多啰, 所以下次一定唔会再去.虽然呢间铺系小本经营啫, 但我觉得服务同味道嘅质数都应该可以做得好D啰. 哗!!! 楼面D阿姐口沬横飞咁系度讲粗口, 真系儿童不宜!!!
上两星期睇完少年食神介绍油麻地呢间鱼粥专门店, 咁琴日下午就专程去试吓, 因为本人都好钟意食鱼嘅!!
不过点知未开始食已经一肚气.....
点解???
事源我坐低咗差不多5分钟后先有人帮我落单 (但当时我已递手多次都无人理会), 之后终于叫做有人帮我落单, 咁我就叫咗个鱼云粥, 但佢哋落单唔系真系会写喺张单度, 只系用把口叫出去.
大家都估到经媒体介绍后就肯定会有好多人慕名而去, 所以当时铺面大大话话都有30/ 40人, 试问声厨房𠮶个又点可以记得咁多呢??
当时已心知不妙, 但系当然又唔会考究佢哋嘅做事手法啦.
点知等咗15mins + 催咗两次, 佢哋竟然求其比咗个鱼咀粥我就算. 咁我就紧系唔收货啦, 之后就唔知喺边树攞咗碗鱼云粥嚟喇. 但放低咗喺台之后就开始闻到阵阵嘅㶶味, 点知原来系个鱼头爆㶶咗. 总括味道, 我会觉得附近嘅和味弼会好好多啰, 所以下次一定唔会再去.
虽然呢间铺系小本经营啫, 但我觉得服务同味道嘅质数都应该可以做得好D啰. 哗!!! 楼面D阿姐口沬横飞咁系度讲粗口, 真系儿童不宜!!!
张贴