熊小館 (已結業)

每次去「熊小馆」都会童心大爆发 😍 皆因成间餐厅都系可爱熊啤啤 🐻 无论系门口、枱面定橱柜，全部都摆满唔同size、颜色嘅熊啤啤公仔 😘 作为大人都觉得好Sweet好Cute，如果有小朋友嘅话，佢去到一定会劲开心 😆 黑松露蟹籽带子黄金意大利饭 ($92) 睇落几精致，淡黄嘅炖饭上面淋咗几圈黑松露油，香煎带子上铺咗橘黄色嘅蟹籽 😌 意大利饭湿润绵密，带点烟韧口感 😘 带子外脆内软，加埋黑松露、蟹籽，同意大利饭几夹 😉蕃茄茄子芝士阔面拌烧羊扒 ($98) 嘅意大利面弹牙有咬口，配搭香甜嘅蕃茄同茄子，浓郁惹味 😋 羊扒睇落烧得几靓，闻落亦都几香，不过切开就发现大部份都系肥膏，入口偏油腻，我就唔太钟意 🤭