G Bar

营业中

休息中

去完行街好攰谂住喺food court是但揾嘢食，呢间餐厅上次都唔见有，见到有海鲜拼盘价钱OK一于试吓。天气实在太热见到啤啤形状冰块，咁可爱未饮先打卡，见到已经觉得消暑，味道亦都好清新唔会太甜。怀旧雪糕红豆冰估唔到系呢个高级商场都可以饮到，正！精选海鲜拼盘，有长脚蟹，青口，翡翠螺，蚬，同埋最精彩有新鲜生蚝，仲有三款酱汁配搭，增加鲜味，二百几蚊食到咁多海鲜仲有呢个水准，绝对系性价比高。芝士白汁海鲜焗意粉，真系新鲜焗起热辣辣，芝士拉起嘅时候仲有拉丝，好正好香，份量唔多不过好足料。听店员介绍佢哋喺海皮位置有间雪糕店，听到有得食雪糕，我另一个甜品胃又开始蠢蠢欲动啦，一行出商场已经见到雪糕店卖相非常吸引，仲要对住个维港靓景，忍唔住叫咗个鸡蛋仔朱古力雪糕，鸡蛋仔即叫即整超级香脆，配埋极度浓郁嘅朱古力雪糕，一冷一热，超级好味，不得不提朱古力雪糕仲有朱古力粒，真系好好味呀！