熊小館 (已結業)

放暑假当然要去开心下，选择小朋友喜欢嘅熊小馆餐厅就够哂开心，食品同套餐都好多选择性价比高，而且仲有好多bear bear相伴。🥰坐底order左小熊套餐B及2人套餐新食法B。😍小熊套餐B系儿童餐包有肉酱意粉、肠仔、牛油粟米、熊仔啫喱，厨师煮得好细心，摆盘精致，而且系用小熊盘及小熊餐具，小朋友食得特别开心，当然食物质素亦高啦。 小熊妹🐻推介 ！😆 小熊套餐本身包咗一杯鲜橙汁，我哋转特饮橙汁熊熊， 成只橙汁小熊坐喺杯入面好得意，小朋友见到最开心。🥰2人套餐新食法B就有忌廉汤及牛油法包，汤够creamy及顺滑，点法包食一流。铁板香蒜西冷牛扒好大份，牛扒够厚且腍，牛味十足，点上烧汁食感觉好正。香草忌廉龙利柳饭个忌廉汁超鲜甜，配上新鲜龙利柳食令人回味。😋甜品就拣左豆腐及朱古力雪糕，好甜好解暑。😋另外2杯特饮都影相好靓，分别系清凉仲夏(香草薄荷橙汁)，同埋橙色派对(芒果橙汁)。打卡啱哂！📸