影片
更多
2023-11-27
45 浏览
冬天杀到，就系食锅物嘅季节喇！呢晚去咗湾仔果头觅食，就见到呢间几decent嘅锅物，一人一炉烚吓嘢食，暖吓身先呢日系平日，我哋就叫咗两个晚市套餐 汤底有几款，我哋就拣咗一个「关东风寿喜烧」同一个「柚子胡椒汤」寿喜烧汤底会比较「经典」，味道较浓，我觉得可以更加带出到肉嘅鲜味，但唔会抢味；而柚子汤底就会特别啲，煮落嘢食会有淡淡嘅柚子味，感觉比较fresh，点埋佢嘅柚子盐酱汁，酸度会再明显提升多啲。主食方面，我哋要咗一客「极上a4黑毛和牛190g」（$458）A4和牛份量好多，都有差唔多8片，而呢款牛肉味会较浓，油脂分布较平均，有饱肚感，食完比人一种「和牛就应该要系咁」嘅感觉。另一客就叫咗「a5黑毛和牛肉眼190g」（$608）一睇啲纹路就知佢有几出色啦！呢款肉眼脂肪多，油脂感极重，真系一入口就会融化，十分绵滑，好耐无食过咁香嘅牛肉喇！而个Set仲包埋一只「日本生蛋」，可以捞蛋汁嚟食，令啲食物味道更具层次。每个套餐都包前菜同野菜拼盘，有青瓜同山药渍物，麻油味突出，亦有酸甜香味，好开胃A5和牛餐仲包一个冻豆腐，就咁食会较实净，有丰富豆味，或者煮熟嚟食都一样得！而另外亦有野菜拼盘，入面有蟹柳、冬
呢晚去咗湾仔果头觅食，就见到呢间几decent嘅锅物，
一人一炉烚吓嘢食，暖吓身先
呢日系平日，我哋就叫咗两个晚市套餐
汤底有几款，我哋就拣咗一个「关东风寿喜烧」同一个「柚子胡椒汤」
寿喜烧汤底会比较「经典」，味道较浓，我觉得可以更加带出到肉嘅鲜味，但唔会抢味；
而柚子汤底就会特别啲，煮落嘢食会有淡淡嘅柚子味，感觉比较fresh，
点埋佢嘅柚子盐酱汁，酸度会再明显提升多啲。
主食方面，我哋要咗一客「极上a4黑毛和牛190g」（$458）
A4和牛份量好多，都有差唔多8片，
而呢款牛肉味会较浓，油脂分布较平均，有饱肚感，
食完比人一种「和牛就应该要系咁」嘅感觉。
另一客就叫咗「a5黑毛和牛肉眼190g」（$608）
一睇啲纹路就知佢有几出色啦！呢款肉眼脂肪多，油脂感极重，
真系一入口就会融化，十分绵滑，好耐无食过咁香嘅牛肉喇！
而个Set仲包埋一只「日本生蛋」，
可以捞蛋汁嚟食，令啲食物味道更具层次。
每个套餐都包前菜同野菜拼盘，
有青瓜同山药渍物，
麻油味突出，亦有酸甜香味，好开胃
A5和牛餐仲包一个冻豆腐，
就咁食会较实净，有丰富豆味，
或者煮熟嚟食都一样得！
而另外亦有野菜拼盘，
入面有蟹柳、冬菇、本菇、金菇、日本南瓜、芋丝、京葱、娃娃菜、芹菜，
蔬菜都十分新鲜，食落够晒饱肚
（个人最钟意食佢嘅南瓜，绵滑得嚟有好香嘅南瓜味）
最后个set仲跟日本白米饭，我哋一个升级咗做手打乌冬（加$15）
食埋个饭捞埋啲汤，就真系十级满足！
张贴
