影片
更多
2023-05-29
45 浏览
最近去咗一间好有特色嘅炭烧主题店～焰 ！ 餐厅主打黑毛和牛及创意料理 ，店内全部都系吧枱座位，师傅会席前准备食材及烧肉，体验一流！ 每张枱都有火焰效果，仲会配合唔同菜式转换颜色，好岩打卡！我哋点咗Dinner Set B ($980 p.p. )，好丰富！日替精选前菜三品 估唔到前菜有得拣！店员先奉上前菜盘，可以按自己喜好挑选钟意嘅三款前菜！每款都好吸引，心大心细一输，拣咗烟熏鳗鱼、辣味赤身及𩽾𩾌鱼肝，店员教我哋由淡至浓食起，好细心。季节刺身三点最「新鲜」嘅刺身拼盘，讲紧嘅系用玻璃瓶底下仲游紧水嘅金鱼，玩味十足！三款刺身分别系油甘鱼、牡丹虾、吞拿鱼，质素正常。厨师精选头盘 火炙和牛刺身配水菜沙律。和牛油脂分布平均，火炙后逼出油香！水菜都新鲜爽甜，但沙律酱就遮咗牛肉刺身嘅牛味。煎帆立贝配冷压鱼子 卖相精致吸引， 带子厚肉鲜嫩，煎至表面金黄，配豉油珠珠及椰菜花蓉酱。鹅肝茶碗蒸 呢个茶碗蒸以分子料理做法制成，茶碗蒸做成mousse状，口感滑溜，食到底仲有煎香咗嘅鹅肝粒！不过个人都系钟意传统嘅茶碗蒸口感多d，太流质唔系好习惯。紫苏二重烧牛肉卷 将和牛他他、炭烧牛小排、紫苏渍物用香脆嘅紫菜包住，
餐厅主打黑毛和牛及创意料理 ，店内全部都系吧枱座位，师傅会席前准备食材及烧肉，体验一流！ 每张枱都有火焰效果，仲会配合唔同菜式转换颜色，好岩打卡！
我哋点咗Dinner Set B ($980 p.p. )，好丰富！
日替精选前菜三品
估唔到前菜有得拣！店员先奉上前菜盘，可以按自己喜好挑选钟意嘅三款前菜！每款都好吸引，心大心细一输，拣咗烟熏鳗鱼、辣味赤身及𩽾𩾌鱼肝，店员教我哋由淡至浓食起，好细心。
季节刺身三点
最「新鲜」嘅刺身拼盘，讲紧嘅系用玻璃瓶底下仲游紧水嘅金鱼，玩味十足！三款刺身分别系油甘鱼、牡丹虾、吞拿鱼，质素正常。
厨师精选头盘
火炙和牛刺身配水菜沙律。和牛油脂分布平均，火炙后逼出油香！水菜都新鲜爽甜，但沙律酱就遮咗牛肉刺身嘅牛味。
煎帆立贝配冷压鱼子
卖相精致吸引， 带子厚肉鲜嫩，煎至表面金黄，配豉油珠珠及椰菜花蓉酱。
鹅肝茶碗蒸
呢个茶碗蒸以分子料理做法制成，茶碗蒸做成mousse状，口感滑溜，食到底仲有煎香咗嘅鹅肝粒！不过个人都系钟意传统嘅茶碗蒸口感多d，太流质唔系好习惯。
紫苏二重烧牛肉卷
将和牛他他、炭烧牛小排、紫苏渍物用香脆嘅紫菜包住，肉味浓郁，口感丰富，淡淡紫苏叶香减低腻感，整体味道好有层次。
跟住就到主角—烧肉拼盘出场啦！选用岩手县黑毛和牛，肉味同肉质都有一定保证！
炭薰牛舌芯
师傅喺我哋面前烧香厚厚嘅牛舌芯，再将一旧炭直接摆落去牛舌表面，上枱唔单止有烟雾效果，仲大大增加炭火香！牛舌芯口感爽弹，炭香突出，配搭梅子盐、绿茶盐、wasabi、芥末酱，各有风味。
A5 黑毛和牛酒香寿喜烧
A5 黑毛和牛油脂丰腴，师傅烧肉嘅时候再加入白兰地，熊熊烈火，食嘅时候酒香都仲未蒸发，食到酒香，好特别！和牛肉质软嫩，另外仲有配菜，如:娃娃菜、豆腐、芋丝、冬菇及南瓜，配甜甜嘅寿喜烧汁，惹味。
A5 黑毛和牛柳
和牛烧至表面焦香，火候控制得啱啱好，唔会好干。上枱嘅时候，师傅再刨上乌鱼子，增添咸香。
慢煮安格斯封门柳饭 / 梅子冷素面
饭面二选一，拣咗各一试下。慢煮安格斯封门柳饭上枱嘅时候完全吓亲咗，份量实在太大！安格斯封门柳肉质好腍，烧肉汁好送饭，虽然好饱，但都完全清碟。梅子冷素面虽然睇落无拣饭咁抵食，但冰凉清爽，烧肉后食特别解腻！佢另外仲配有梅子酱自行再调味！
甜品
甜品都好丰富呀！我哋拣咗香蕉拖肥挞同水果配雪糕。香蕉拖肥挞有甜品店嘅水准，挞底香脆，甜度适中。是日水果都有香甜嘅日本蜜瓜，配上大大球嘅开心果雪糕，非常满足。
张贴
