熊小館 (已結業)

好多人话自己是抹茶控，紫薯控，芝士控...etc。但系其实每个人，心底里头都系一个熊控，如果你唔系，系因为你未揾到你只熊，对男仔黎讲，熊系一种强壮既动物，对女仔黎讲，揽住熊仔个种温暖而安全既感觉，更是无与伦比。系度坐低之后，最先迎接我地既就系一只系枱面的熊仔，情不自禁摸摸牠的头，再点野食。我今晚食既系北海道带子明太子烩意粉。带子意粉都食得唔少，但加上明太子就比较少见。明太子，即系鳕鱼卵用盐辣椒酱腌制而成的，呈橙色状，微辣惹味。我先食一食个意粉，意粉几有弹性，酱汁方面，就几重忌廉味，同埋有少少芝味。带子有一粒，并唔算太多，但食落都算肥厚鲜美。我再将明太子同意粉捞埋黎食，果然令到意粉多了一重微辣的感觉，而且有鱼子的鲜咸味道，但不会过于浓烈，味道颇为新鲜却不俗。依客意粉的份量不算十分大，但味道却是不错的，一边吃一边逗熊，夜晚很快就过了。