御黑堂 (已結業)

无喺红磡出没一段时间，估唔到好多舖头都转咗手，其中包括大大鸡扒，变咗茶饮店。舖位几大，舖名好型叫「御黑堂」😎，应该唔系连锁，因为无喺第区见过。舖头以熊猫🐼做招牌，几瞩目呢。饮品选择几多，有纯茶、脏脏茶、奶茶、乳酪同黑糖系列等等，价钱由$1x到$3x不等，范围都几阔🥤。大部份饮品都有得拣糖量同冰量，我两杯均要咗三分甜同少冰，而实际出到嚟都符合商品说明👍。六窨茉莉($16)，🍵茉莉茶味都几浓，不过建议尽快饮用，否则耐咗会稍涩。另外，我加咗$5要芦荟，份量几多，并且唔会整甜咗杯茶。香芋珍珠奶茶($25)，朋友喜欢香芋嘅制品，所以我嗌咗杯畀佢。💜浅紫色美美的，由于减咗甜，香芋味未算非常突出，反而几香奶味加几滑。黑珍珠正正常常，几好咬，有好多粒！小店主要卖饮品，但好似都有卖台湾香肠小食，我见到有个炉仔🔥。题外话，我依日买嘢饮，得一位女店员看舖，佢负责哂楼面同调饮品，劲啊👏！总括嚟讲，如果厌倦咗连锁店嘅口味，喺红磡(都算系平民美食天堂吖😛)觅食后，不妨买杯试下，反正唔贵。