花千樹 (已結業)

之前, 去熊猫酒店Shopping，经过见到花千树D装修唔错，早就想试，咁岩今晚同大仔都唔使返夜班，细妹就提议成家人黎食返餐。呢度D刺生种类同其他放题无咩分别，但响件头上比较厚身，切法较细件，感觉可以食多几件！！D串烧烧得几香，岩岩好，唔会太㶶，特别系翠玉瓜串，真系几有水准！但系盐烧鸡翼串就相对弱左D，太干身……其次盐烧牛舌串、炒杂菜、牛油野菌帆立贝既味道都唔错，唔会太喊，只系有少少油。焗蚝卖相非常吸引，烧到金黄色，而且有时亦有D几大只，但有时都会有D几细只.... 味道还算香口。另外，我觉得呢间舖有一样特色既炸野，就系南瓜芝士薯波，南瓜蓉入面有D芝士蓉，食落的味道好夹，食多几件都唔漏！可惜我怕肥，唔敢食太多..... XD 另外, 亦点左我最爱的芝士年糕，咬左一淡，热辣辣的芝士馅就立即流入口。软软的年糕夹着味美的芝士，正！甜品不过不失，不过要加15蚊。我地加钱食左，D牛奶布丁好滑又唔会太甜，但系个人就麻麻地钟意食佢D朱古力蛋糕…口感 唔够松软。一轮风卷残云之后，再叹返杯玄米绿茶~清一清肠胃。值得一赞D服务唔差，下次会再去。