熊小館 (已結業)

身为熊类的我, 知道有间餐厅系熊主题, 又点可以唔黎朝圣呢? 呢度既熊只只唔同款式, 唔同大小, 我要逐一同佢地打招呼, 而佢地共通点系, 全部都好乖乖, 坐定定等人类(和熊类)同佢地玩, 超可爱, 劲得人钟意!一坐低, 已经比张有好多啤啤的餐纸吸引住, 每枱又有只熊陪你食野, 令人不忘自己身处熊小馆。我叫左个石板烧安格斯西冷伴磨菇 $149加$20有汤有野饮, 个忌廉汤味道岩岩好, 唔会太杰, 仲可以配埋脆脆多士食, 至于个西冷, 用石板烧会锁住肉汁, 令肉质软熟唔会dry, 可以order几多成熟, 我地叫左五成, 都唔会太血淋淋㖞, 爽口弹牙兼有浓郁肉香, 底下有唔少蔬菜, 又有片片磨菇, 好丰富呢! 薯条好幼身, 唔脆但劲浓薯味, 点茄汁食夹晒, 饮品柠檬茶, 茶味好浓, 透心凉呢。