OPPA Coffee Bar Restaurant

营业中

休息中

系尖沙嘴行完街，朋友话想食韩国菜，所以我地去有韩国美食街之称既金巴利街睇下食咩好。我地之后去到一间餐厅叫Oppa Coffee Bar Restaurant 出面见到人排哂队，好奇心驱使下就去试下。店舖装修简约，食具环保得黎不失韩国风味。睇完个menu之后，就叫左鸡肉蛋浆熔岩炒饭 (HKD 168)，三色韩国煎饼 (HKD 135)同埋韩式蒸饺子 (HKD 110)。先黎既就系佢地镇店之宝:熔岩炒饭。佢地有泡菜，火腿蛋，秘制章鱼，海鲜蛋，oppa 激辣和鸡肉蛋浆选择。而我地就选择左鸡肉蛋浆。个饭分量唔细，放左系个铁板度，店员跟住会放芝士。放得满满之后，之后再加埋鸡肉蛋浆就开始用火枪烧，将啲芝士溶化，最后就会变成芝士熔岩。佢个炒饭加埋啲芝士熔岩，口感真系一流，非常开胃，但无饱滞既感觉。跟住黎既就系三色煎饼，有泡菜，葱同南瓜味。泡菜煎饼唔算太辣，可能我系泡菜控。葱煎饼就咸咸地，味道唔错。南瓜就甜甜地，有啲似甜品咁。最后就系韩式饺子(5只)，佢有煎同蒸，我地要左蒸既。饺子好大仔，系菜肉涵，味道唔错。仲有韩国萝卜伴碟。