京饌 (已結業)

中秋节当晚，周围都好多人出街食晚饭，呢间店我第一次去食，我同屋企人等左一阵，好快就有位，地方算大，但冷气不足，全餐饭都流住汗食，我地一坐低睇餐牌，有位穿便服既女人走过嚟话无晒片皮鸭，但我哋都未叫𩠌，觉得好奇怪🤔之后我地叫左4款𩠌，味道不错，上𩠌都快，但觉得奇怪的是有隔离枱叫片皮鸭，但话有，之后我就知点解佢有，因为系熟客，我就无理啦！一边食一边见到厨房整紧片皮鸭，我同我屋企人讲，厨房整紧片皮鸭？见到师傅一只一只咁放入大焗炉入面，我哋研究点解个女人会同我哋讲无晒片皮鸭？定系留比熟客呢？有点模不著头脑，之后我地好快食完就叫甜甜，叫左一个高力豆沙，等左20分钟都未黎，就催下职员，转头职员同我地讲话无落单，其实个职员系咪应该话，唔好意思，漏咗单，但对唔住都无讲，之后我地就叫埋单，食左6百几蚊，我就比左$700，应该找返10几蚊，又等左5分钟，无人找钱，（其实我唔系因为找钱问题，系想攞张单免费停车场）再催佢哋先找钱及攞单黎比我哋，我以后都唔会再去，我好明白中秋节每间店都好忙，但点都好要注意下对客人的态度同礼貌，其实值得一赞既系有位年纪较大瘦削的员工，他的态度非常好，我哋坐低就慢慢介绍有咩款式嘅菜，