小巷弄

营业中

休息中

太耐冇去旅行，突然间好挂住台湾既牛肉面，系北角好少有台湾牛肉面舖，就系北角汇开了一间，叫小巷弄，环境舒适，座位够阔落，点餐系手写用红色既marker pen （跟台湾一模一样够晒环保♻️），餐牌内有好多唔同既选择。我叫咗台湾牛肉米粉，麻辣猪耳，同埋绿茶芦荟多多（微糖，微冰）。麻辣猪耳系限定优惠，猪耳入口爽脆，有麻辣香，食唔停口，限定优惠$18，抵食！牛肉米粉上枱时未食已经有好香既牛肉味，汤底香浓，牛肉厚切，肉同筋分布适中，忟得好入味，咬落好冧身，正呀！ 萝白好入味，米粉用了台湾新竹米粉（超幼细）饮品绿茶芦荟多多，用了密封式的手摇杯，绿茶味唔重，芦荟肉有好多，多多乳酸唔太甜，饮落开胃。埋单都系一百蚊，价钱实惠，值得一试，用一百蚊食到台湾风味，抵赞！ Btw，店员服务态度好，值得比。