影片
更多
2016-05-19
625 浏览
今日有得早放工，就打算同同事系炮台山附近食个晚饭。原来呢度有间粗菜馆，猪油捞饭就听得多喇，我哋都好想试下，放工执埋啲手尾就即刻落去！餐厅好近大马路，如果系铜锣湾𠮶边，搭叮叮过嚟都好快到。大约七点到餐厅，先有个玄关位，有金庸先生嘅提字，墙上挂上莲花油画，地下一层都用方枱，方便2-10位都可以组合，上层有几张大圆枱聚会就啱啦！灯光集中系枱上面，影食物相好容易呃到 like！时日老火汤 $98 /一窝今晚系番茄薯仔汤，汤水色泽浓郁，有猪骨、番茄、薯仔可见材料丰富，味道都被时间同炉火提炼出嚟，见过一本讲汤水嘅食谱，不同节气需要饮不同汤水，最为人熟悉嘅都可以话系番茄薯仔汤，我哋三个人，每人都有三四碗，叫一窝就够喉！惠州梅菜扣肉 $82睇睇餐牌，最吸引我嘅仲有惠州梅菜扣肉，平时嘅梅菜扣肉都系晚餐首选，因为系屋企好难整，要去猪肉上嘅毛、岀水入味、炸完再炆、加入梅菜再蒸，步骤繁复，餐厅仲会将佢哋隔一晚，梅菜及酱汁就更入味，用煲仔送上，猪肉上一层肥一层瘦，经长时间烹调，呈现深啡酱油颜色，肉质容易化开，脂肪唔会油腻，肥瘦均匀，夹起一件，约一寸厚薄适中，一口就化，用嚟送饭一流。猪油捞饭 $20我嘅目标猪油捞
今日有得早放工，就打算同同事系炮台山附近食个晚饭。原来呢度有间粗菜馆，猪油捞饭就听得多喇，我哋都好想试下，放工执埋啲手尾就即刻落去！餐厅好近大马路，如果系铜锣湾𠮶边，搭叮叮过嚟都好快到。
大约七点到餐厅，先有个玄关位，有金庸先生嘅提字，墙上挂上莲花油画，地下一层都用方枱，方便2-10位都可以组合，上层有几张大圆枱聚会就啱啦！灯光集中系枱上面，影食物相好容易呃到 like！
时日老火汤 $98 /一窝今晚系番茄薯仔汤，汤水色泽浓郁，有猪骨、番茄、薯仔可见材料丰富，味道都被时间同炉火提炼出嚟，见过一本讲汤水嘅食谱，不同节气需要饮不同汤水，最为人熟悉嘅都可以话系番茄薯仔汤，我哋三个人，每人都有三四碗，叫一窝就够喉！
惠州梅菜扣肉 $82睇睇餐牌，最吸引我嘅仲有惠州梅菜扣肉，平时嘅梅菜扣肉都系晚餐首选，因为系屋企好难整，要去猪肉上嘅毛、岀水入味、炸完再炆、加入梅菜再蒸，步骤繁复，餐厅仲会将佢哋隔一晚，梅菜及酱汁就更入味，用煲仔送上，猪肉上一层肥一层瘦，经长时间烹调，呈现深啡酱油颜色，肉质容易化开，脂肪唔会油腻，肥瘦均匀，夹起一件，约一寸厚薄适中，一口就化，用嚟送饭一流。
惠州梅菜扣肉
$82
19 浏览
0 赞好
0 留言
猪油捞饭 $20我嘅目标猪油捞饭，听就听得多，听闻九龙城店之前系将凝结嘅猪油，放系枱面任由食客加入白饭中，带有怀旧风味，餐厅就选用中国秀珍米，米质水份比较少，口感嚼劲，猪油及甜豉油就另上，份量足够一碗饭，胆固醇万岁，哈哈。
菜甫凉瓜煎蛋 $62煎蛋系我晚餐最好朋友，菜甫凉瓜煎蛋更系不二之选，菜甫带咸味，凉瓜亦淡然苦味，配合上感觉爽口，蛋浆刚熟透，煎蛋柔软，带有金黄色，蛋饼分成四份，一人一片直接夹起食，愈食愈滋味！
兰 - 西柠脆脆鸡 $88即炸鸡扒，切件后肉汁慢慢渗出，新鲜烫口，炸皮唔会太厚，而且干爽唔油腻，酱汁分开用碗上，送上时保持一定温度，配搭酱汁悉随尊便，可以夹起一件炸鸡将它浸进诱人的酱汁中，酸香味经已令人垂涎。
西柠脆脆鸡
$88
15 浏览
0 赞好
0 留言
平均消费$135/位，3位，1个汤 + 3个𩠌 + 2碗饭(包括加一服务费)以呢个价钱，都食到几饱，三𩠌一汤，仲有两猪油捞饭，份量足够
粗菜馆 Tso Choi Restaurant
星期一至日: 11:30-23:00
截单时间: 22:30
北角炮台山英皇道125-133号月明楼地下
Tel: 3579 4755
分店：九龙城
张贴
