好媽媽台灣館 (已結業)

都话M佬钟意去台湾食嘢㗎啦，之前去完，今次又话要食台湾嘢，话好挂住台湾嘅味道㖞!!! 今次去太子好妈妈台湾馆试下妈妈嘅手势先!!珍珠奶茶食台湾嘢无理由唔饮珍珠奶茶嘅，茶味好香浓，唔系奶，珍珠就够腍，不过唔够甜。香酥大鸡排每次去台湾夜市都必定会买份香酥鸡排，好妈妈嘅鸡排新鲜炸起，热辣辣。虽然外面嘅炸皮炸到同啲肉分开，不过一啲都唔厚，香脆松化，入面嘅鸡肉好嫩滑，又够Juicy。皮蛋涷豆腐分量比想像中大，涷豆腐好滑，好香豆味，上面有青瓜丝同皮蛋。最钟意好胶嘅皮蛋黄，配埋甜甜嘅酱汁，层次好丰富。我家三杯鸡三杯鸡系台湾经典菜，三杯系指麻油、酱油同酒各一杯，味道又甜又咸，加埋爆香嘅葱姜蒜同九层塔，真系好香!! 鸡肉好滑，仲有啲菇，好爽口。好妈妈肉燥饭识食梗系食肉燥饭啦，不过份量比较少，肉燥好香，肉碎中又有少少肥猪肉，正!! 只卤蛋都好入味，配埋酸菜!肉燥烫青菜很地道嘅台湾油菜，青菜系选用通菜，都好新鲜好靓，唔会太老，加埋少少肉燥，唔会太淡。另外，特别喜欢枱上嘅小句子，很有台湾特色，真系好似去台湾咁!