成記牛什粉麵 (已結業)

钟意捐窿捐罅寻找隐世又有风格美食嘅我，就揾到嚟香港仔熟食中心嘅成记，high 个港式 tea。虽然系第一次黎，但见到块牌写住驰名牛腩，又见到虾卷都系招牌菜，咁自自然然就叫左碗牛腩拼虾卷河，医下灵魂醒一醒神。无耐碗河粉就上枱了。识食，紧系先𥄫一𥄫个汤底，汤够清有淡淡地牛肉香，最紧要唔会咸同重味精。𩠌都够多，摆盘竟然几分精致，唔会嗱西求其上，赞！香港仔多海鲜，所以虾卷都有番上下水准！新鲜，弹牙，牛爽腩又系正，够晒牛肉味，够腍得黎仲保持到咬口。两个𩠌系汤底同河粉互相辉映下好快就入晒落肚，埋单$34，高汁港式Tea值得推介！