拿督星馬大飯店 (已結業)

如果search 观塘美食 嘅话，相信唔少人都会听过呢一间系码头熟食市场入面嘅星马食物。佢俾好多名人推荐过，我自己都食过几次。而当中最出名嘅系黑豉油捞面。驰名怡保炆大细脚黑豉油干捞面 ($47)黑豉油捞面色泽好靓，充满油光，唔会话偷工减料，每一条面都沾有黑豉油。份量都十分多，我同朋友都算大食嘅朋友，但我哋都食唔晒成个捞面。 黑豉油捞面好够味，不过佢比较油身，间唔中食一次就ok啦。咁讲返配料，我拣咗大细脚，即系猪脚同鸡脚，佢嘅猪脚同鸡脚都系非常非常正。因为佢炆到好入味，绝对唔会硬身，每一啖都系骨胶原嘅感觉，超正! 马来福建猪颈肉虾汤面 (掺掺) ($51)虾汤面一上菜已经闻到阵阵虾味，饮落去唔算太咸，有虾嘅鲜味。而且，虾汤面本身已经跟咗一块叉烧、蛋、炆猪皮仲有猪油渣。炆猪皮炆到又冧又入味，猪油渣脆身香口，啱晒我钟意食香口嘢嘅人。配上猪颈肉，猪颈肉烧得好香，有阵阵烧烤风味。掺掺系油面加米粉。姜汁拉茶 (+$10)够味，饮落去仲有姜蓉，但又唔会话太辣，天气冻饮好暖身。