雅苑座

闲日夜晚同妈妈黎补祝母亲节，几星期前订位，用左openrice 嘅coupon 有七折。六点半已经黎到，明明打去订位𠮶阵话要中间啲位，去到佢安排我坐侧边啲位，不过我讲完佢都安排返靠中间可以望到上面啲酒店房𠮶啲位比我。跟住佢派左张咭仔比我地拎一人一份嘅酿蟹盖，个样好唔错，食落好一般，又鞋，又夹住啲蟹壳，食左几啖已经唔想食。跟住去左拎啲海鲜食，拎左龙虾同虾，龙虾其实冇味，谂住虾会好啲，点知都系冇味。。。。对比返早一个月去湾仔Renaissance 食蒸龙虾同虾都比呢边新鲜同好食好多。。。。跟住见到有蟹盖，拎左个食，好多膏好好食，但食过一次成晚已经见唔返，得啲蟹脚。其他冻海鲜都冇拎黎食，望落都麻麻地。反而我觉得佢熟食好多款，羊架、煎三文鱼同咖哩系最好食，咖哩仲有我最爱嘅胡椒饼，另外比较特别系鸭肝大阪烧，味道都唔错，串烧反而失色，佢烧好晒摆喺度又冻晒，牛舌比较薄，味道普通。鱼生望落都好一般，冇食。总括黎讲，环境系好好，但冻海鲜就麻麻地，比起黎熟食好食好多，有啲失望，折左系几平，但原价黎食应该唔会了。呢个价钱有更多更好嘅选择。