滿屋日本料理 (已結業)

星期四同一大班同事一齐食 farewell dinner因为，呢间喺公司附近，大家又想食放题，所以就一致裁定食呢间。去到见到装修都唔错，环境尚算干净，侍应都算多，够应付人客。食材用料都算唔错，鱼生都几新鲜，但系本人就觉得选择唔算多，反而熟食比较多选择，而且都好好食，特别系串烧，牛舌好好味！仲有记得记得记得叫羊架！好好食！唔韧，好嫩，味道有少少羊骚味，必食！炸野都ok，芋头波，年糕波都唔错，钟意食榴莲既朋友都有榴莲波俾你过下瘾。大厅中间仲有自助形式既任食食物选择，有日式前菜例如八爪鱼、中华沙律，当日仲有猪手，濑尿虾，中汤系鸡脚汤。饮品种类都好多，酒类都唔少，有几款果汁酒，适合唔系好饮得但系又想饮少少既朋友。啤酒都有几款，有韩国啤，麒麟啤都系任饮。甜品有限定一人一杯既Hagen Daz 同 Movenpick，嫌唔够喉大厅中间仲有雀巢雪条类任食，仲有一个白朱古力喷泉。总结，记得叫熟食！赤贝刺身超大块必叫！呢度本人都觉得几适合一家大细食～