八幡屋日本料理 (已結業)

冇试过有一间放题系要等野食到。通常上完第一转野食，只要 keep 住落单就会 keep 住有野食喺枱面。但落完第一转单，先后黎左刺身寿司手卷，之后有大概6-7分钟先黎左3只焗蚝，但同一张单落既其他熟食就未到。要等多大概10分钟先有其他熟食如黄金虾。炸物如炸鸡翼及饺子由落单去到送黎等左25-30分钟。由于系限时2小时，迟上野食对食客黎讲系好差既感觉。质素方面，芝士焗蚝，芝士黄金虾最好食。三文鱼不过不失，但炸鸡翼无乜味，炸蚝既同芝土焗蚝一比明显逊色。留意既系唔升级既话，熟食选择好有限。少食生野既食客要留意。可能因为圣诞想做多几枱生意，枱同枱之间冇乜距离，坐得比较迫。