熨烤達人 (已結業)

周围走左成日好攰，黎到钻石山又唔想食连锁店，夜晚八点几呢间竟然要排队，又见上网咁多好评，就等下啦，点知一等等左半个钟有多。因为行到好热，无mood食烧肉，见餐牌熟食都有好多选择。先饮下野，虽然唔平，但胜在够大杯，味道都好丰富。沙冰更加好饮，都睇住店员即叫即打，好新鲜。鳗鱼蛋卷每件都好厚，包住旧鳗鱼都好大块，非常足料。 淋上鳗鱼汁同埋鲣鱼碎，味道唔会有问题啦。呢个韩式粉丝炒得几好，口感爽滑，够色水得黎甜多过咸，配埋菇丝同红萝卜丝加添口感，唔落肉都好味。呢个雪龙汤就同我地系韩国食到既有d出入，当地会比较清澈，个奶白色都主要靠牛骨炖出黎。呢度就系用忌廉奶做，会稠身同埋腻好多，所以饮唔哂d汤。胜在牛肉份量都几多。呢个卖相吸引，配搭都好特别同清新。不过个人觉得唔好落咁多沙律酱，自己要减走d先捞就会无咁腻，加落去做紫菜包饭或者用雪糕脆筒食都可以。可能无食到烤肉既关系，未食得出佢最出色既一面，下次要试下。