越南屋

营业中

休息中

屋企唔喺呢边，今日咁啱行开过嚟，又想食越南野，就嗌咗外卖试吓。嗌咗个猪扒捞檬，走生菜丝走青瓜。但系超失望，因为成碗粉都系热嘅😅 食得捞檬就系想食啲凉浸浸嘅嘢，点知一入口碗嘢系热😅 猪扒系ok嘅，一来份量算多，二来都煎得几靓，唔会太老，调味就普普通通。捞檬嘅汁都比较普通，可能系俾啲热檬粉影响咗😅 食落比较重蒜味，唔算好酸，但个人钟意酸酸辣辣嘅汁多啲。猪扒上面有啲葱油，但系觉得可以俾多少少，因为猪扒调味唔算突出，好快会食到麻木咗。有啲其他调味可以食到一半嘅时候变吓味会满足啲。