牛奶冰室 (啟鑽商場)

营业中

休息中

呢间嘢细细间，平时夜晚好多人，所以好少去。今晚唔知点解有好多位，想去好耐，终于有机会啦。入面2人枱之间拍得都几近，要好小心先摄到入去埋边位。但系坐落都舒服嘅。虽然过咗6点，仲叫到个羊腩饭餐。先嚟杯热柠水🍋，唔驶督柠檬，好方便。杯嘢够哂热，又唔会太酸，又唔涩口，唔错呀。等咗十几分钟，碟饭先嚟。啲𩠌系另上嘅，热嘞嘞，食到我出汗。𩠌大大碟，好足料呀。🐑羊腩好腍，啲肉好易离骨嘅，唔臊，但系好似挣啲啲花椒八角味。啲支竹萝白都好腍好入味。🌽粟米细细件，容易食。汁够多，唔算太咸，送饭最好。感觉啲侍应都好好人，好有礼貌。系间嘢有少少油烟味，都可以接受。整体唔错，都算抵食。