影片
更多
2016-02-03
6219 浏览
韩国文化席卷亚洲，韩剧化妆品服装成为生活一部分。韩食火乘风势,遍地开花。其中最吸引我嘅都系韩式烧烤，啖啖肉。今晚试其中一间分店众多嘅连锁店。 餐厅行新潮路线，装修简洁光猛，枱面天花同餐具都银光泛漾，SO METALLIC!见微知著，餐厅虽然系主打烧烤，但所有墙身枱面座位都一尘不染，唔会黐笠笠，可见管理得宜而且厅面整齐有序，眼前一亮。餐厅有一半客人系韩国人，连同乡都帮衬，食物应该够地道风味。 「雁喇吖嘥唷～」之声响彻全场，不绝于耳，觉得我哋好受重视，气氛好热闹餐厅有一半侍应系韩国人，据经理讲，系来自南韩，嚟香港过WORKING HOLIDAY嘅年青人。韩藉侍应勤快有礼，安排入座后即时奉上前菜同麦茶好细心介绍餐牌，详细讲解每个套餐嘅内容，令我哋受宠若惊，可能香港一向只讲求效率，少见咁有耐性同细心嘅服务。既来之则安之，见佢好有信心同诚意咁介绍，就决定点一份二人套餐。 二人烧烤套餐$698点餐之后，侍应熟练敏捷咁奉上生菜篮同喺烤炉坑上注入蛋浆同粟米芝士碎。套餐分烤肉生料同熟食，其实份量颇大，够三个人食有余。 泡菜煎饼薄薄一片煎得干爽，无多余油
韩国文化席卷亚洲，韩剧化妆品服装成为生活一部分。韩食火乘风势,遍地开花。其中最吸引我嘅都系韩式烧烤，啖啖肉。今晚试其中一间分店众多嘅连锁店。
餐厅行新潮路线，装修简洁光猛，枱面天花同餐具都银光泛漾，SO METALLIC!见微知著，餐厅虽然系主打烧烤，但所有墙身枱面座位都一尘不染，唔会黐笠笠，可见管理得宜而且厅面整齐有序，眼前一亮。餐厅有一半客人系韩国人，连同乡都帮衬，食物应该够地道风味。
位上前菜
130 浏览
0 赞好
0 留言
前菜
55 浏览
0 赞好
0 留言
「雁喇吖嘥唷～」之声响彻全场，不绝于耳，觉得我哋好受重视，气氛好热闹餐厅有一半侍应系韩国人，据经理讲，系来自南韩，嚟香港过WORKING HOLIDAY嘅年青人。韩藉侍应勤快有礼，安排入座后即时奉上前菜同麦茶好细心介绍餐牌，详细讲解每个套餐嘅内容，令我哋受宠若惊，可能香港一向只讲求效率，少见咁有耐性同细心嘅服务。既来之则安之，见佢好有信心同诚意咁介绍，就决定点一份二人套餐。
二人套餐
$698
110 浏览
0 赞好
0 留言
炉烤粟米芝士、蛋卷
87 浏览
0 赞好
0 留言
二人烧烤套餐$698
点餐之后，侍应熟练敏捷咁奉上生菜篮同喺烤炉坑上注入蛋浆同粟米芝士碎。套餐分烤肉生料同熟食，其实份量颇大，够三个人食有余。
煎泡菜饼、韩式炒粉丝、石锅什锦饭
109 浏览
1 赞好
0 留言
泡菜煎饼
薄薄一片煎得干爽，无多余油份，泡菜味浓，少少辣刺激味蕾。
韩式炒粉丝
粗粉丝完全吸收酱油味，配菠菜、蛋丝捞匀食，惹味爽口。
石锅什锦饭
石锅上枱够热，将紫菜、甘笋丝、生鸡蛋、猪肉丝，菠菜，芽菜同翠玉瓜加韩式甜辣酱捞匀先食，锅边仲有少少饭焦，味道同口感复杂丰富，食完觉得唔够喉𠻹
食紧饭不忘烤肉。餐厅有特别设计，每枱独立嘅抽油烟机，食完餐饭都唔会成身油膱味。套餐包括最受欢迎嘅款式。
首先烧嘅系五花腩，同其他韩国烧烤唔同，猪腩肉系厚切，洒上粗盐调味，成片烧完再剪，厚切食落更弹牙同JUICY。
烤韩国鳗鱼、烧牛排骨
132 浏览
1 赞好
0 留言
套餐好抵食，有原条鳗鱼咁滞👍烧鳗鱼来自韩国，油脂丰富，烧熟后肉质细嫩，真系是日惊喜。
据杂志访问透露，呢间餐厅大厨处理牛排肉，系用韩国罗州市新高梨、菠萝、洋葱、姜、蒜同黑椒，打成蓉去腌制，一来可增添甜味，梨肉酵素更可以软化肉质，令牛排肉更入味同松化。牛排骨上枱时𠝹晒斜纹，卷起好似张棉胎咁，摊开啱啱好可以放上烧烤炉。今日一试，又真系甜甜哋同好松化㖞。
牛舌薄切干爽，食落弹牙，点少少酱油已经好美味。
韩国MANKOLI酒
$100
68 浏览
0 赞好
0 留言
醇曲堂韩国农酒/KOOKSOONDANG WHITE DRAFT MANKOLI$100
有肴岂可无酒？正当食到唔止暖笠笠，直头焮翕翕之际，问吓醒目侍应有咩好介绍，佢介绍饮呢款韩国农酒，话食烧肉时再冻饮，风味一流。之后奉上锑酒碗，再摇匀酒樽倒酒。酒色呈乳白色，所以有人叫呢款油做浊酒。入口充满米香，但又唔似中国米酒咁抢喉，原来酒精只有6°，多饮都唔怕醉一声干杯，半碗米酒入口，无晒热气油腻，解渴回甘，难怪睇韩剧，食烧肉除咗啤酒，就系饮农酒，果然系天作之合。
开心嘅时间过得特别快，喺充满笑声同韩语嘅餐厅，大杯酒大块肉，感受韩国风情，体验地道韩式烧烤，埋单时，我哋用生涩嘅韩文讲声MA-SI-SEO-YO，期待下次再嚟尽情食
张贴
