鉄人旨花 (已結業)

午市来到呢间餐厅，一个人都没有。叫左个铁人丼饭，有拖罗茸，海胆及三文鱼子。拖罗及三文鱼字尚可，但海胆唔系太新鲜，冇乜海胆味，个颜色都唔太讨好。重点系饭系热既，同埋系白饭，冇落寿司醋。店面写话系日本米，但系食落似普通珍珠米。份量方面，海胆得一旧，三文鱼子有十几廿粒，拖罗茸份量正常。虽然除我之外一个客都冇，两位侍应系各自自己睇电视，唔系话开到好大声，不过一位睇新闻，一位睇韩剧，环回立体声，相当忙碌。茶都冇时间斟。讲食物质素，呢个价钱绝对可以更加好。服务质素就真系有好大改进空间。接近$200的lunch, 茶记的服务。午市繁忙时段都完全冇人系有原因既，当系买个教训。