甜蜜蜜甜品專門店 (已結業)

同两位师姐食完一顿抵食又美味o既京沪点心做晚餐，大家仍有感意犹未尽，结果就行咗去厚福街度揾甜品食 。路经「甜蜜蜜甜品专门店」时，先翻阅过餐牌，觉得啲甜点都几吸引，见店内又有张四人枱正向我地招手，所以就即管睇吓佢有几甜蜜蜜。小店间隔跟一般糖水舖无异，地方企理，服务生都好好客。三人先各自挑选心头好，两位师姐明显都系芒果迷。小肥就点咗个「焗黑白朱古力梳乎里」；落单时，姐姐仔已讲明焗制梳乎里需要大概十五分钟。焗黑白朱古力梳乎里（$48）：甜品内含两个梳乎里，分别为相片中右手边o既「热食黑朱古力味梳乎里」及左手边o既「冻食白朱古力榛子味梳乎里」。另跟朱古力酱一小碟。传统热食o既「黑朱古力梳乎里」松软轻巧，微甜芳香，中间加插咗啲朱古力碎又能增添脆脆o既口感，实在美妙 。餐牌上所指o既「冻食白朱古力榛子味梳乎里」其实并非「梳乎里」也，点睇点食都只可以话佢系一球劲甜o既白朱古力味雪糕，质感粗嚡，一啲都唔「梳乎」啰 ，直令甜品有重画蛇添足o既反效。