影片
更多
2008-07-09
13 浏览
咪咪咁岩黎左中环，架架见机不可失，力约咪咪食 lunch，而又希望可以食得好 D 同坐得舒服 D，所以拣左Balalaika。我地大家都食 set lunch，先有一条硬硬地少少暖既蒜蓉包条，咪咪初初仲以为会有一大篮包任食……架架叫左个 2 courses set（$88），先黎个海鲜 pancake，配上龙虾汁，好味道。主菜就系煎龙利柳，龙利柳好滑，配个香橙忌廉汁，好味道，份量仲唔细添！ 咪咪心念点解自己无点呢个。咪咪就叫左个 3 courses set（$108），先黎一个芝士番茄沙律配辣香醋汁，唔知系唔系 D 醋劲得滞，咪咪食到摽眼水，而番茄几好味，生菜就一般。餐汤系牛尾罗宋汤，同平时饮开个 D 好唔同，呢个清得多，都算多蔬菜同牛尾肉，但系就唔算好浓烈既味道，有埋薯仔系入面，OK咁啦～主菜就系黑椒西冷牛扒，食完之后先发现无黑椒味，不过个扒都几似样，煎得几好，有原始既牛肉味。配菜既西兰花、番茄同薯条都唔错，咪咪食晒！到差不多食完，眼见隔离台上左甜品系迷你朱古力蛋糕（set lunch 包埋），架架都无咩野期望，因为架架对朱古力兴趣不大。过左一阵，到我地黎甜品喇，咦！！！！！唔系呀嘛
我地大家都食 set lunch，先有一条硬硬地少少暖既蒜蓉包条，咪咪初初仲以为会有一大篮包任食……
架架叫左个 2 courses set（$88），先黎个海鲜 pancake，配上龙虾汁，好味道。
主菜就系煎龙利柳，龙利柳好滑，配个香橙忌廉汁，好味道，份量仲唔细添！ 咪咪心念点解自己无点呢个。
咪咪就叫左个 3 courses set（$108），先黎一个芝士番茄沙律配辣香醋汁，唔知系唔系 D 醋劲得滞，咪咪食到摽眼水，而番茄几好味，生菜就一般。
餐汤系牛尾罗宋汤，同平时饮开个 D 好唔同，呢个清得多，都算多蔬菜同牛尾肉，但系就唔算好浓烈既味道，有埋薯仔系入面，OK咁啦～
主菜就系黑椒西冷牛扒，食完之后先发现无黑椒味，不过个扒都几似样，煎得几好，有原始既牛肉味。配菜既西兰花、番茄同薯条都唔错，咪咪食晒！
到差不多食完，眼见隔离台上左甜品系迷你朱古力蛋糕（set lunch 包埋），架架都无咩野期望，因为架架对朱古力兴趣不大。过左一阵，到我地黎甜品喇，咦！！！！！唔系呀嘛！！！！！！！咁都得！！！！！！！！！！！！！！！！！竟然系架架最爱既法式炖蛋，架架一见到肾上线素都高埋，竟然食到法式炖蛋，实在太惊喜喇，架架有谂过系唔系咪咪安排（后尾经查证后证实唔系）！讲番个炖蛋，甜度适中，蛋味浓，面够脆，个底仲捞左D云尼拿籽，正！！
餐饮方面，架架一贯叫番热柠水，咪咪亦一贯叫番热咖啡。热柠水连壶上，架架可以饮到两杯。咖啡配两小杯雀巢 coffeemate，咪咪当然落晒啦，仲落左两包糖～不过甜过头，下次都系落一包够喇～
滴水须根待应劲好服务，好到顶唔顺，架架同咪咪笑足全程～～～
张贴