老鍋台式火鍋 (金馬倫道) (已結業)

香港人一年四季都钟意打边炉，今日老公话想打所以就嚟哩一间试吓。由于今日系星期六，有好多优惠都唔可以用，全部都要用正价，都冇乜所谓啦，最紧要食物质素高。老公想食酸菜白肉锅，而我同亚妈又冇特别话想食乜嘢汤底，所以我哋冇叫鸳鸯锅。哩个酸菜白肉锅同我哋平时食嘅有少少唔同，好奇怪有粟米丶番茄同冬菇🤷🏼‍♀️其实味道就唔怪嘅，不过同我喺台湾食嘅酸菜白肉锅真系唔同啰！我叫咗鹅肝墨鱼丸同黄金咸蛋黄猪肉丸，因为哩两只丸出面冇见过。鹅肝同墨鱼丸原来都几夹，咸蛋黄猪肉丸就唔可以煮得过熟，因为𥚃面d咸蛋会硬，如果肉丸浮面即系啱啱熟嘅话，𠮶啲咸蛋系会流沙咁正🤤另外我地叫咗鲜炸响铃，虽然佢话要15分钟制作时间但系唔使三分钟就送到喺你枱面；我地叫左个细嘅手切安格斯牛小排，哩个真系好好食，好有牛味，但系又真系有少少腻，所以三个人叫一碟细嘅已经足够。之后老公叫咗一碟海鲜拼盘同牛骨髓，我个人就觉得冇乜特别。环境方面，我哋被安排坐喺餐厅最入面，冷气完全唔充足，未开始食已经觉得冷气唔够凉，食落就越嚟越热🥵🥵老公要不停叫嘢饮消暑，最后发现原来佢哋有冰水提供🤦🏼‍♀️。