越滿 (已結業)

呢度最出色嘅就系佢招牌嘅和牛汤河，出色在于佢有别于一般嘅越南餐厅，佢用相唔同部位嘅和牛，令到一碗粉入边有几种唔同肉类嘅口感，增加唔少嘅分数。另外仲点少得有牛丸，爽口弹牙。仲有必须要加分嘅系汤会系送到枱上先淋上的，咁样就会保证得到汤一定够热，而且牛肉会熟。可能有好多人会讲生牛河煮咗出嚟仲系有啲血红色系正常现象，咁当然系一个正常嘅现象。但系因为啲汤本身唔够热，再焯啲生嘅牛肉，汤的热度继续减弱，到你食𠮶阵时候饮相嘅汤已经系变咗冻嘅，咁样会令到成个越南河粉嘅味道都变晒！我系超唔钟意呢一个情况。所以呢到做得好好，饮上汤嘅时候仲系热辣辣。之后就介绍一下呢一度嘅鱼饼，通常泰国餐厅先至会有鱼饼，但系估唔到越南食都几好食，佢系属于厚身弹牙嘅口感，外面有轻轻嘅脆感。