咖啡灣 (粉嶺中心) (已結業)

咖啡湾都可以话近年冒起嘅抵食cafe,我觉得系西式茶餐厅，意粉同饭价钱颇合理，其他小食、饮品就有d贵。而且每间分店都好细，座位迫夹，而粉岭呢间开喺商场中间，有d位置好似坐喺街边咁。第一次去帮衬系6月中，劲多人排队，等左起码超过45分钟，仲要坐系街边果个位。第二次去帮衬系11月尾，热潮已经过去，只系等咗5分钟就已经有位，仲可以坐喺入边嘅卡位添！第一次帮衬菠萝蓝蝶虽然Menu话系推介，但我觉得冇乜特别，可以唔使试。樱花虾明太子烟肉意粉意粉唔会太淋，面头舖咗好多樱花虾同木鱼片，几好味！玫桂山鸡亦有3款味道嘅鸡翼，其中一个系桂花味，好香好清幽嘅桂花香，冇谂过桂花同鸡翼可以咁夹。另外两只味系玫瑰同山椒，味道一般。不过，6只鸡翼要80几蚊就太过份，所以食过一次就算！苏格兰三文鱼沙律正正常常，不过不失。第二次帮衬黑白松露香浓蘑菇汤味道普通，试过一次唔会再试。热带森林水果茶大虾蟹籽沙律呢个沙律有惊吓！雪藏虾肉爽但冇虾味，沙律差唔多食哂果阵有小昆虫～😱香辣蒜香带子意粉味道一般般芝士肉酱薯条普通厚切薯条，铺上茄汁肉酱，而d芝士好似未溶咁仲见度一粒粒。