烤魚工房 (南天大厦) (已搬遷) 新店位置

考完韩文约左朋友响元朗食晚饭庆祝庆祝！庆祝当然要食烤鱼啦！呢间餐厅嘅烤鱼有几款唔同嘅鱼可以拣，而且有唔同口味～我地就拣左酸菜蒜蓉味烤桂花鱼，蒜蓉分量超级多，除左右原粒蒜头仲有炸蒜，蒜蓉味香得黎又唔会太浓。酸菜咸味比较重，虽然煮左好耐但依然有咬口。桂花鱼肉质结实，味道鲜甜，就算酱汁浓味都掩盖唔到鱼肉嘅鲜味。除左可以食烤鱼，仲有多款火锅配料可以order放落烤鱼度一齐食，另外仲有包罗万有嘅烧烤食品、凉菜同饮品，仲有小龙虾添！我地order左几款火锅配料，有娃娃菜、豆腐、宽粉、年糕、莴笋同安格斯牛，配料吸收晒汤汁精华，好入味呀！安格斯牛肥瘦均匀，牛味浓，正！另外我地仲order左烤四季豆、烤金针菇、烤鲍鱼同烤鸡软骨，因为用左蒜蓉、辣椒或者孜然去调味，所以全部都好惹味呀！！不得不提烤台湾肉肠，出面涂左蜜糖，烤到外皮脆脆地，好味！饮品同样味道出众，我地order左几款饮品，味道都相当唔错～我饮嘅系热情果多多，酸酸甜甜，好开胃，而且热情果味浓郁，仲食到有果肉，真材实料！而且饮品大大杯都系30几蚊咋，好抵饮！一夜左就见到好多人响出面排队，证明呢间餐厅真系人气爆灯呀！