雖然網上有唔少評論話岩岩出爐的麵包唔應該食太多 容易造成漲氣或者産生過多胃酸 甚至有致癌的風險(!!!)
但眼見其他食客一個又一個滿足的笑容 焗得金黃的麵包表面 再用力一嗅 真係沒有不想食的理由 更何況一次半次就放過自己吧
葡撻
外層酥脆 層次分明 富牛油香但唔算油膩
蛋面烘得金黃 有標準葡撻應有的燒焦表面 內裡軟滑 蛋味濃郁 略帶雲喱拿油的香味
而且因為新鮮出爐 熱辣辣香噴噴 絕對係要細細啖 細細啖 細味品嚐
然後見得麵包師傅將一盤又一盤新鮮出爐的菠蘿包托出
正當猶豫緊食與唔食之際 有位客人唔小心將佢的菠蘿包撞跌落地
卜 清脆的一聲離遠都聽得見 就知道菠蘿包的表皮一定好脆 大大個的內裡充滿空氣
果然 外皮酥脆香甜 凹凸的脆皮分明 麵包鬆軟綿密 運底部都會有輕微的烘面 口感無得彈呀!
