新潮發海鮮菜館

营业中

休息中

12月尾又系清假嘅时候，无无聊聊就入咗长洲逛下食下。近海就紧系食海鲜啦，行过见到呢间海鲜餐厅好旺好多人，一于拣佢试试。餐牌都好丰富，set好晒任选海鲜套餐，我哋拣咗个5款套餐。蚝仔煎蛋好多蚝仔好足料，而且个蛋好滑好香，绝配。避风塘鱿鱼鱿鱼好新鲜好弹牙，外面炸得好脆口但唔厚粉，完全冇个种食炸粉浆感觉。蒜蓉开边蒸虾呢个冇得输啦！虾新鲜加埋蒜蓉粉丝蒸，点会唔好味。豉汁蒸白鳝条鳝好肥美，肉质比较林身，唔系脆鳝。菠萝生炒骨估唔到小菜都唔错，个酸甜味调得刚刚好，排骨亦冇overcook。生炒骨虽然唔系海鲜，但都值得一试。另外餐厅仲送咗油菜同粟米羹，真系抵食又好味呀。