Mamaday Studio (已結業)

因为等朋友又未到约定时间，就去呢度饮杯野，点知唔小心叫多个Bagel同蛋糕食~首先讲下环境，布置上充满玩味，就系系楼梯间都一样充满色彩，每个地方都会花心机装饰一下。座就偏向文青同舒适风，所以坐底叹茶时都好舒服。🔸洋葱蓝莓贝果落Order后需要等8-10分，店员会即时帮忙加热。Bagel好扎实，质地偏硬身，对比食过既香港和台湾Bagel佢都算数一数二硬身(但唔排除系加热效果)，微烟韧。蓝莓带出少少甜味，但蓝莓味唔太突出，所而洋葱cream好食，洋葱味道非常强烈，整体我觉得系一个好食既咸味Bagel，会想要回购。🔸Oreo白朱古力咸蛋黄忌廉蛋糕白朱古力顺滑Creamy，蛋黄部分的确系咸蛋黄味，但唔会好强烈，所以同白朱古好夹，细细份唔太腻，外形可爱又好食🔸宇治抹茶牛奶奶味较重，甜度适中，唔记得同店员讲甜度，但全糖都可以接受！茶味比较不突出，但可能我挂住玩猫，所以冰块溶左，味道变淡。呢度有两只小可爱，极之唔怕人，随时会系你身边跑来跑去，又跳高跳低~但绝无伤害性，因为唔太怕人既关系，佢地都唔太介意俾人摸，有佢地陪伴好开心！