太子茶餐廳 (鯉魚門廣場)

营业中

休息中

行山前去食早餐先！朋友叫我去呢间！街市内嘅茶餐厅！地方正常茶餐厅格局，店员安排我坐大卡位，要同另外一对情侣分占一边卡位！地方唔迫！早餐都系正常茶餐厅选择！可惜我已经厌食呢类早餐，所以拣咗个热狗餐！即做要等耐啲！热狗:好大只，条司华力肠好夸张！已经𠝹花！皮脆唔韧，可惜一咬入面有空洞位，一泡滚油唧出来，烫伤了舌头！香肠肉弹牙！唔会太咸！加上唔多嘅青瓜蕃茄同生菜！沙律酱酸酸咁开胃！面包烘过热辣辣！芝麻香口！好味又好腻热柠茶：瓦杯茶底浓唔涩！够热好味！食物几好！不过啲店员姐姐就好恶，我对面嘅情侣落单，讲一句：A餐！姐姐一句：咁都要讲配乜架（劲恶𠮶只）其实人家都系逐样讲啫！不过我叫嘅热狗餐唔使选择！所以佢哋都无乜唔好态度！茶餐厅下午茶餐嘅早餐！