New York Fries (已結業)

28/1/2009 (星期三)今日系年初三，过年食咗好多年糕、萝卜糕等贺年食品，下午去海港城行街兼做gym，运动一下，行到二楼大家乐附近见到一条人龙，于是好奇走埋去八下，原来开咗一间新的快餐店 “New York Fries”， 店内座位唔多，地方都算清洁。 招牌菜系薯条，有Classic 的炸薯条，亦有加咗芝士、酸忌廉、蕃茄、洋葱、烟肉碎的炸薯条，款式都几多，不过今日太滞，唔想再食炸嘢，所以叫咗一只热狗($19)试下味，热狗本来系好普通的食物，都无念过会有乜嘢惊喜，店员将热狗交给我，我自己去加茄汁同芥辣，正想拎起咬一口，竟然发现热狗的面包痴住个纸盒，唔系呀吗？？？呢只狗一定已经呆在个纸盒好耐，所以才会融为一体，难舍难离，我用力扯开就变咗只“烂”狗，即刻无晒心机。$19买只“烂”狗当然无心机啦，不过最失望系这间食店无Heart，亦不注重细节，希望日后有改善啦。