Bulldog Hotdog (廣福道) (已搬遷) 新店位置

今日要反公司OT，不过好彩快快手手剩系做半日搞掂，反到黎大埔都已经午饭时间，边出火车站边谂下食咩好，上网揾下依间热狗店新开，好似都唔错。因为佢只有做外卖，所以一于就买外卖反去同细佬一齐食。 唔好以为热狗只系一个包、一条肠再加酱，但睇反个餐单，虽然总共有成9款热狗，但好多款热狗都好唔简单，我就拣左日式鳗鱼热狗，我细佬就拣左招牌热狗。 同埋唔单止系单点热狗，午餐既话加10蚊就可以有一个小食再加罐汽水，我就拣左薯角同埋 coke plus。 日式鳗鱼依个好好食，值得推介。热狗面有好多木鱼同埋紫菜丝，真系好似之前D食评咁讲，似日式小丸子咁。而木鱼盖住既就有几片鳗鱼，加上酱料非常足，有鳗鱼汁同埋日式蛋黄酱，口感非常好丰富。而且鳗鱼份量好多，又好味，所以食完个热狗都好饱。 至于招牌热狗就有小小辣，因为有辣牛肉酱，面头有粟米脆片，再加芝士同埋自家制酱汁。试左小小，味道都唔错，就系有小小辣，我个人就钟意日式鳗鱼多D。 小食薯角份量都几多，唔似D 连锁快餐店咁，结果埋单平均六十蚊一个人，都几抵食。