大喜屋 (已結業)

上排完全无意欲去食日式放题，今晚好想食所以就去左铜锣湾既大喜屋，200零蚊就有任食，致岩我呢d大食仔。点菜纸好厚有成两本甘多，真系好多选择。刺身好新鲜，有象拔蚌、虾、帆立贝、鱼刺身、仲有冬风螺！一口寿司细细件，好精致亦令人食得比较斯文，而且唔会成旧饭甘饱滞，可以留有空间食多d其他野。之后开始食热食。点左蟹粥，有惊喜，水蟹好鲜甜而且比预期中有肉，令粥底又甜又够热。小食有风味淋烧鱼干、烧鸡翼、烧菠萝，送酒一流，所以我点埋清酒！风味淋烧鱼干香口，点沙律酱好惹味；烧鸡翼香脆；烧菠萝多汁清甜。之后食埋滑溜既温泉蛋同香口既榴连炸弹，啖啖香浓榴连肉。生果都有得点。每位最后都会有雪糕雪条式日本海盐雪糕一伤，我选择左特别既后者。