福岡漢堡扒

营业中

休息中

食后感其实一般般，可能期望高。菠萝烟肉和牛汉堡扒 - L和牛汉堡除左比较油腻之外，我本身期望系牛味重，香口既，但系食完就一般，感觉只系一件比较油腻既汉堡扒，味道上冇惊喜，放系热石上面煎，一上枱唔可以煎太耐，因为旧石仲好热（好易㶶，入面唔够熟），煎左3次左右，热度下降会易煎d，铁板上既蛋汁同菠萝会好快干，唔好食，睇相系岩岩上枱即刻影，已经开始焦边，所以等多阵就会比较硬，店员见到石头唔够热，会主动帮你换。试过之后我宁愿去食个贵价少少/同等值既汉堡包来得满足。呢个餐唔包饮品。午餐就包一罐饮品，另外椰菜丝配芝麻沙律汁及面豉汤亦普普通通。炸鸡我拣左有汁既，个汁好甜，件鸡就大大旧，正常味，食肉兽大满足。埋单$212（纯粹系大食＋想试埋炸鸡），呢个价钱系商场食lunch应该好多选择。