柞木炭家

营业中

休息中

烧肉食得多，今次玩吓热石烧。热石烧主要对象系海鲜，在烤炉上放上热石，然后将海鲜放到热石上。热石能均匀地传递热力，完美保留海鲜风味。不过香港地真系唔多地方有热石烧，今次嚟呢度就铜锣湾，劲方便。春之石海鲜盛馔 $1088 成个套餐有晒前菜，烧肉，海鲜，饭/汤同埋甜品。首先会有好多韩式前菜，真系唔会食得晒，唔够仲有原个泡菜比你添。海胆豆腐大大件海胆色的豆腐，口感软滑又出到海胆味，连紫菜同青瓜丝食，清新好食。热石海鲜拼盘（鲍鱼、贵妃蚌、沙白、扇贝）由放热石，到烧海鲜，全程都有职员帮手，而且手势纯熟。海鲜鲜味比起就咁网烧的确来得更鲜，而且款式多，贵妃蚌同扇贝都好大只，鲍鱼爽弹。柞木寿喜烧和牛食完海鲜会食番烧肉，大大片和牛用寿喜烧方式享用，延续热石海鲜的惊喜。牛小排拼酱油五花肉烧肉一般都唔会冇左五花肉，拼埋牛小排好丰富。人参鸡汤本来想拣饭又怕太饱，人参鸡汤中原来都有饭粒，鸡又大只，真系不比石烧饭输蚀。甜品最后甜品真系要夸张啲用”神来之笔”形容。一般套餐既甜品颓得很，呢个除咗有卖相，仲要好食。焦糖炖蛋布甸配焦糖香蕉绝对系彩蛋。