牛極 (雅怡居)

营业中

休息中

最近成日都听到热石牛扒餐厅，不过一直都未去试过，见今日同朋友系深水埗行完街揾野食既时候，经过一间叫牛极餐厅，又咁啱系热石牛扒，所以就试下食，间餐厅啲侍应好好服务，我唔识点叫佢都会教我点用，餐厅有好多种类既牛扒不过最后我都简左块西冷牛扒，牛扒黎到未食已经闻到好香牛肉味，之后可以自己切开块牛扒再煎块牛几成熟自由度好大，仲有餐厅有喜马拉雅山岩盐可以加埋牛扒一齐食令牛扒更加好味，出面可以任食饭同沙律菜仲可以任饮汤，间餐厅既蕃茄牛肉汤好浓味好香牛肉味道，我都饮左好多碗，饭仲可以任加紫菜芝麻碎，加埋一齐食真系好好味